കൊളറാഡോയില്‍ ഗര്‍ഭിണിയെ ആക്രമിച്ച്‌ കുഞ്ഞിനെ മുറിച്ചെടുത്തു
കൊളറാഡോ:
അമേരിക്കയിലെ കൊളറാഡോയില്‍ ഗര്‍ഭിണിയെ ആക്രമിച്ചു
ഗര്‍ഭപാത്രത്തില്‍നിന്നും കുഞ്ഞിനെ മുറിച്ചെടുത്തു. സംഭവത്തിനു പിന്നാലെ
മരിച്ച കുഞ്ഞുമായി ആശുപത്രിയിലെത്തിയ മറ്റൊരു സ്‌ത്രീയെ പോലീസ്‌
കസ്‌റ്റഡിയിലെടുത്തു. തനിക്കു ഗര്‍ഭഛിദ്രമുണ്ടായെന്നാണ്‌ ഇവര്‍ നല്‍കുന്ന
വിശദീകരണമെങ്കിലും അക്രമവുമായി ഇവര്‍ക്കു ബന്ധമുണ്ടെന്നാണു പോലീസ്‌
സംശയിക്കുന്നത്‌. ഡെന്‍വറില്‍നിന്നു മുപ്പതു മൈല്‍ അകലെയുള്ള ലോങ്‌മോണ്ടില്‍നിന്നു ലഭിച്ച വിവരത്തെത്തുടര്‍ന്നു പോലീസ്‌ പരിശോധനയ്‌ക്കെത്തിയപ്പോഴാണ്‌ വീട്ടില്‍നിന്നു സ്‌ത്രീയുടെ നിലവിളി കേട്ടത്‌. സ്‌ഥലത്തെത്തുമ്പോഴക്കേും സ്‌ത്രീയെ ക്രൂരമായി മര്‍ദിച്ചശേഷം കുഞ്ഞിനെ ഗര്‍ഭപാത്രത്തില്‍നിന്നും വേര്‍പെടുത്തിയിരുന്നു.
കുട്ടികള്‍ക്കുള്ള വസ്‌ത്രങ്ങള്‍ വില്‍ക്കുന്ന പരസ്യത്തിലൂടെയാണു സ്‌ത്രീയെ അക്രമി ആകര്‍ഷിച്ചതെന്നും ഇവര്‍ക്ക്‌ അടിയന്തര ശസ്‌ത്രക്രിയ നടത്തിയെന്നും നില മെച്ചപ്പെടുമെന്നാണു പ്രതീക്ഷയെന്നും പോലീസ്‌ പറഞ്ഞു. കസ്‌റ്റഡിയിലായ 34-കാരിയുടെ വീട്ടില്‍ പോലീസ്‌ പരിശോധന നടത്തി. അക്രമത്തിന്‌ ഇരയായ സ്‌ത്രീയുടെയും കസ്‌റ്റഡിയിലായ സ്‌ത്രീയുടെയും വിവരങ്ങള്‍ പുറത്തുവിട്ടിട്ടില്ല.
http://www.mangalam.com/print-edition/crime/295814
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin