വൈദികർ മറുനാടുകളിൽ
കൗമാരക്കുട്ടികളുടെ അടുത്ത് ഫൌൾ കാണിച്ചാൽ കഠിനശിക്ഷ
ശ്രീ കൂടലിനെ പൂർണ്ണമായും ഞാൻ ഇവിടെ പിന്താങ്ങുകയാണ്. അമേരിക്കയിലെയും ബ്രിട്ടനിലെയും അനേക കുടുംബങ്ങളെ പാലാ, ചങ്ങനാശേരി മുതലായ രൂപതകളിലെ വൈദികർ തകർത്ത കഥകളാണ് പലർക്കും പറയാനുള്ളത്. അത്തരം കഥകൾ ഇന്നും തുടരുന്നു. വിഷം കലക്കിക്കൊണ്ടിരിക്കുന്ന വൈദികരുടെ കഥകൾ പല കുടുംബങ്ങളിലും ഒളിച്ചും വെച്ചിട്ടുണ്ട്.
അംശവടിയും പിടിച്ച് കുടുംബങ്ങൾ കലക്കാൻ ആസ്ട്രെലിയായിലേക്കു പുറപ്പെടുന്ന വാർത്തകൾ ആത്മാഭിമാനമുള്ള മലയാളി പുരുഷന്മാരെ ഞെട്ടിക്കും. അത്രമാത്രം കഥകൾ ഇവർ വിദ്ദേശരാജ്യങ്ങളിൽ ഉണ്ടാക്കികഴിഞ്ഞു. ആസ്ട്രേലിയൻ പുരുഷന്മാരെ, നിങ്ങൾക്കു കിട്ടുന്ന നിങ്ങളുടെ ഭാര്യമാരുടെ സ്നേഹം നശിപ്പിക്കാത സൂക്ഷിക്കുക. സ്ത്രീകളിൽ പകർത്തുന്ന പകർച്ചവ്യാധിതരം അണുക്കൾ നാട്ടില്നിന്നും കയറ്റിവിടുന്ന പുരോഹിതരിലുണ്ട്. അതുപിടിച്ചാൽ, സ്ത്രീകളെ പുരുഷന്മാർക്ക് നഷ്ടപ്പെടുകവരെ ചെയ്യാം.
സീറോമലബാർ രൂപതകളിലെ അനേക പുരോഹിതരും ആസ്ട്രേലിയാ ഇപ്പോൾ സ്വപ്നം കാണാൻ തുടങ്ങി. കച്ചവടക്കണ്ണുകളുമായി ലാഭംകൊയ്യാനും അഭിഷിക്തർ കണക്കുകൂട്ടുന്നു. ആലഞ്ചേരിയുടെ യാത്രാ അലവൻസുകൾ കൂട്ടാനും കാക്കനാട്ട് ബഡ്ജെറ്റ് തയാറാക്കി യിരിക്കും. അഭിഷിക്തരുടെ അടുത്ത അല്മായസമ്മേളനം ആസ്ട്രേലിയായിലും നടത്താമല്ലോ. ഇവരുടെയിടയിൽ സ്വർണ്ണ കള്ളകടത്തുമുണ്ട്. ഒരിക്കൽ തൃശ്ശൂർ ബിഷപ്പിനെ സ്വർണ്ണ കുരിശുകളുമായി പിടികൂടിയ കഥ അല്മായ് ശബ്ദത്തിൽ ആരോ എഴുതിയതും ഓർമ്മവരുന്നു. രാജകീയവേഷം കെട്ടി യാചിക്കാൻ യാതൊരു മാനവുമില്ലാത്ത ഇവർ വിദേശത്ത് താമസിക്കുന്നവരുടെ മനസ്സമാധാനം കെടുത്താനുള്ള പുറപ്പാടിലാണ്. പണ്ട് പാലാബിഷപ്പ് വയലിൽ അമേരിക്കയിൽ വന്നാൽ ഇവിടെയുള്ള ബിഷപ്പുമാർ കാണാൻ നില്ക്കില്ലായിരുന്നു. പിരിവുപിതാവിന്റെ പേരിൽ നൂറു ഡോളർ ചെക്കുമെഴുതി സെക്രട്ടറിയെ ഏൽപ്പിച്ച് അവർ സ്ഥലം വിടുമായിരുന്നു. കാണാൻ പേടിയായിരുന്നു. ഭാരതത്തിന്റെയും നാടിന്റെയും മലയാളിയുടെയും വിലകളയാൻ ഇവരിന്ന് നാടിനു ശാപമായി തീർന്നിരിക്കുകയാണ്. കേരളത്തിൽ പൂജിക്കുന്ന ഈ അഭിഷിക്തരെ അമേരിക്കയിലെ നാട്ടുകാരായാപുരോഹിതർക്ക് വെറുപ്പാണ്. അവരെത്ര ആട്ടിയാലും പണം കിട്ടുന്നതുകൊണ്ട് ഇവരെന്നും വാലാട്ടിക്കൊണ്ടിരിക്കും.
അടുത്തകാലത്ത് പതിനായിരക്കണക്കിന് പള്ളിയുമായി നടക്കുന്ന ഭക്തരായ മന്ദബുദ്ധികൾ ആസ്ട്രേലിയായിൽ കുടിയേറിയിട്ടുണ്ട്. അഭിഷിക്തവേഷം കാണുമ്പോൾ കാലിൽമുത്തി പണം എറിഞ്ഞുകൊള്ളും. വീട്ടിൽ കഞ്ഞി വെച്ചില്ലെങ്കിലും പുരോഹിതരെ തീറ്റാൻ എവിടെയും ഇനി മത്സരമായിരിക്കും. വീട്ടമ്മമാർ കെട്ടിയവന് ഭക്ഷണം കൊടുക്കാതെ പുരോഹിതന്റെ കുപ്പായം കണ്ടാൽ വണങ്ങി അയാളെ സല്ക്കരിക്കുന്നതിലായിരുക്കും താൽപര്യം. ഇവരുടെയൊക്കെ ഒരു രാജയോഗമേ !, ഫ്രിഡ്ജ് നിറയെ ഭക്ഷണവും കുത്തി നിറക്കും. കുശുമ്പു പറഞ്ഞുകൊടുത്ത് ഭർത്താവിനെയും ഭാര്യയേയും ഉടക്കിക്കാനും വിരുതരാണ്. ഏതു സ്ത്രീകളെ കണ്ടാലും തോളിൽ കയ്യിടും. അതിൽ കെട്ടിയവന്മാർക്ക് പരാതിയുമില്ല. പാലായോ, കാഞ്ഞിരപ്പള്ളിയോ സ്ഥലങ്ങളിൽനിന്നുള്ള പുരോഹിതരെങ്കിൽ അകന്ന ബന്ധമുണ്ടാക്കി അവർ സ്ത്രീ ജനങ്ങളെ സ്വന്തമാക്കും.
വിദേശത്ത് പൊവുന്നതിനുമുമ്പ് പുരോഹിതരനുഷ്ഠിക്കേണ്ട ചില നിയമങ്ങൾ അല്മായശബ്ദത്തിൽ വായിക്കുക. ഭാവിയിൽ വിദേശത്തെ ജയിലിൽ കിടക്കാതെ പുരോഹിതർക്ക് അത് ഗുണം ചെയ്യും. മറുനാടുകളിൽ കൗമാരക്കുട്ടികളുടെ അടുത്ത് ഫൌൾ കാണിച്ചാൽ കഠിനശിക്ഷ കിട്ടുമെന്നും അറിയണം.. ‘ഉമ്മ വെയ്ക്കൽ’ കാരണം ഒരു പുരോഹിതൻ ഇന്നും ജയിലിൽ കിടക്കുന്ന കഥയും ആസ്ത്രേലിയയിൽ വണ്ടി കയറുന്നതിനുമുമ്പ് പുരോഹിതർ വായിക്കുക. ചെറുപ്പക്കാർ അച്ചന്മാരെ മാത്രം പഴിപറയണ്ടാ, അറുപതു കഴിഞ്ഞ വൃദ്ധരായ പുരോഹിതർക്കും കൊച്ചുപെണ്‍പിള്ളേരെ കണ്ടാൽ ഈ മാറാരോഗം ഉണ്ട്. യോഗയോ, മറ്റ് ചീകൽസകളോ നടത്താതെ വിദേശത്ത് വണ്ടികയറിയാൽ വേണ്ടാത്ത കുഴപ്പങ്ങളിൽ അറിയാതെ ചാടും. വിവാഹിതരാകുന്നവർക്ക് കൗണ്സിസിലിങ് ലഭിക്കുന്നപോലെ പെണ്‍കുട്ടികളോട് പെരുമാറേണ്ട രീതികളും ഇവരെ പഠിപ്പിക്കണം.
ആസ്ട്രേലിയയിൽ പള്ളിപണിയാൻ പോവുന്ന ഭക്തരും കഴിയുന്നതും കാഞ്ഞിരപ്പള്ളിക്കാരൻ ഷെവലിയരെ അടുപ്പിക്കാതെ നോക്കണം. അയാളുടെകൂടെ സ്ഥിരം ഒരു അഭിഷിക്തനും ഒപ്പം കാണും. തനി കറക്കുകമ്പനി തൊഴിലാക്കിയിരിക്കുന്നവരാണ്. അവരുടെ കുരുക്കിൽപ്പെടാതെ സൂക്ഷിക്കുക. പുത്തൂരിനോട് കാനൻനിയമങ്ങൾ കത്തിച്ചുകളഞ്ഞ് മനുഷ്യന്റെ നിയമങ്ങൾ പരിശീലിക്കാൻ പറയുക. കാകന്റെ കണ്ണുകളോടെയാണ് അവസരങ്ങൾക്കായി എയർപോർട്ട് പിതാക്കാന്മാരെന്ന സംഘിടിതവർഗ്ഗം പ്രവർത്തിക്കുന്നത്.
almayasabdam/January 11, 2014 at 5:14 PM