ഫാ. ഐസക് ആരിക്കാപ്പള്ളില്‍ സിഎംഐ
വത്തിക്കാന്‍ സിറ്റി: വത്തിക്കാനിലെ സെന്റ് പീറ്റേഴ്സ് ബസിലിക്കയില്‍ ഇന്നു വൈകുന്നേരം അഞ്ചിന് (പ്രാദേശിക സമയം) ആരംഭിക്കുന്ന ദുഃഖവെള്ളി തിരുക്കര്‍മങ്ങളില്‍ ഫ്രാന്‍സിസ് മാര്‍പാപ്പ പങ്കെടുക്കും. പീഡാനുഭവ വായനയെത്തുടര്‍ന്നു മാര്‍പാപ്പ സുവിശേഷ പ്രസംഗം നടത്തും.
രാത്രി 9.15ന് കര്‍ദിനാള്‍ ഗ്വാല്‍ത്തിയേരോ ബസേത്തിയുടെ നേതൃത്വത്തില്‍ കുരിശിന്റെ വഴി ആരംഭിക്കും. ഒരു പ്രത്യേക വേദിയില്‍ നിന്നുകൊണ്ടു മാര്‍പാപ്പയും കുരിശിന്റെ വഴിയില്‍ പങ്കെടുക്കും. റോമിലെ കോളോസിയത്തിനു സമീപമുള്ള പാലറ്റൈന്‍ മലയിലേക്കാണു കുരിശിന്റെ വഴി. കാല്‍വരി മലയുടെ പ്രതീകമായിട്ടാണു പാലറ്റൈന്‍ മലയെ തെരഞ്ഞെടുത്തത്.
ലോകത്തിന്റെ വിവിധ ഭാഗങ്ങളില്‍ നിന്നുള്ള തീര്‍ഥാടകര്‍ കത്തിച്ച മെഴുകുതിരികളുമായി കുരിശിന്റെ വഴിയില്‍ പങ്കെടുക്കും. സമാപനത്തില്‍ മാര്‍പാപ്പ വിശ്വാസികളെ ആശീര്‍വദിച്ചു സന്ദേശം നല്‍കും.
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin