ഗാഡ്‌ഗില്‍ റിപ്പോര്‍ട്ട്‌ കര്‍ഷക വിരുദ്ധമല്ല; റിപ്പോര്‍ട്ട്‌ നടപ്പാക്കേണ്ടത്‌ അത്യാവശ്യം: സിഎസ്‌ഐ സഭ
ഇതാരിക്കുമോ സീറോമലബാറിന്റെ പുതിയ താമര!
കോട്ടയം: പശ്‌ചിമഘട്ടത്തെ സംരക്ഷണത്തെ കുറിച്ച്‌ പഠിക്കാന്‍ നിയമിച്ച ഗാഡ്‌ഗില്‍ കമ്മിറ്റിയുടെ റിപ്പോര്‍ട്ട്‌ നടപ്പാക്കണമെന്ന്‌ ആവശ്യപ്പെട്ട്‌ സിഎസ്‌ഐ സഭ രംഗത്തെത്തി. സിഎസ്‌ഐ മധ്യകേരള മഹാഇടവകയിലെ പള്ളികളില്‍ നാളെ വായിക്കാനായി അയച്ച 'ജീവന്റെ നിലനില്‍പിനായി നമുക്കും ശബ്‌ദമുയര്‍ത്താം' എന്ന പേരിലുള്ള ഇടയലേഖനത്തിലാണ്‌ ഗാഡ്‌ഗില്‍ റിപ്പോര്‍ട്ടിനെ പിന്തുണ സഭ ആവര്‍ത്തിച്ചിരിക്കുന്നത്‌.
ഗാഡ്‌ഗില്‍ റിപ്പോര്‍ട്ടിലെ നിര്‍ദ്ദേശങ്ങളെ ലഘൂകരിച്ച്‌ കൊണ്ടുവന്ന കസ്‌തൂരിരംഗന്‍ റിപ്പോര്‍ട്ടിന്‌ എതിരെ മലയോര മേഖലയില്‍ സമരം തുടരുമ്പോഴാണ്‌ പരിസ്‌ഥിതി അനുകൂല നിലപാടുമായി സഭയുടെ ഇടയലേഖനം. ഗാഡ്‌ഗില്‍ റിപ്പോര്‍ട്ട്‌ പരിസ്‌ഥിതിയുടെ സംരക്ഷണത്തിന്‌ ഉള്ളതാണെന്നും റിപ്പോര്‍ട്ടിലെ ഒരു വരി പോലും കര്‍ഷക വിരുദ്ധമല്ലെന്നും ലേഖനത്തില്‍ പറയുന്നു.
റിപ്പോര്‍ട്ടിനെ എതിര്‍ക്കുന്നത്‌ പാറമട-റിസോര്‍ട്ട്‌ മാഫിയകളാണെന്നും ഇവര്‍ക്ക്‌ രാഷ്‌ട്രീയ പിന്തുണ ലഭിക്കുന്നുണ്ടെന്നും സഭാ ലേഖനത്തില്‍ വ്യക്‌തമാക്കുന്നു. രണ്ടായിരത്തോളം അനധികൃത ക്വാറികള്‍ പശ്‌ചിമഘട്ടത്തില്‍ പ്രവര്‍ത്തിക്കുന്നുണ്ട്‌. പശ്‌ചിമഘട്ട സംരക്ഷണത്തിന്‌ ഗാഡ്‌ഗില്‍ റിപ്പോര്‍ട്ട്‌ നടപ്പാക്കേണ്ടത്‌ ആവശ്യമാണ്‌- ഇടയലേഖനം പറയുന്നു.
http://www.mangalam.com/latest-news/189470
.............................................................................................................................................................................................
നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ സീറോമലബാ൪ ട്രൂത്തിന്റെ അഭിപ്രായമാവണമെന്നില്ല.
PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക.
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin