മാർപാപ്പയുടെ പുരോഗമന കാഴ്ചപ്പാടുകൾ തള്ളി സീറോ മലബാർ സഭ: പെസഹായ്ക്ക് സ്ത്രീകളുടെ കാൽ കഴുകില്ല

29 MARCH 2017

 പെസഹദിനത്തിലെ കാല്‍ കഴുകല്‍ ശുശ്രൂഷയില്‍ പുരുഷന്മാരെ മാത്രമല്ല, സ്ത്രീകളെയും ഉള്‍പ്പെടുത്തണമെന്ന മാര്‍പാപ്പയുടെ ആഹ്വാനത്തിന് കേരളത്തിൽ പുല്ലുവില.ജനുവരിയില്‍ ആയിരുന്നു കാല്‍കഴുകല്‍ ശുശ്രൂഷയില്‍ സ്ത്രീകളെയും ഉള്‍പ്പെടുത്താമെന്ന് മാര്‍പാപ്പ പ്രഖ്യാപിച്ചത്. തീരുമാനം വിപ്ലവകരമായിരുന്നെന്ന് ആയിരുന്നു ലോകമാകെയുള്ള വിലയിരുത്തല്‍.എന്നാൽ ഇതിനെ പാടെ അവഗണിക്കുന്ന തീരുമാനമാണ് കേരളത്തിൽ കൈക്കൊണ്ടിരിക്കുന്നത്.സീറോ മലബാർ സഭ മാർപാപ്പയുടെ ആഹ്വാനം തള്ളികളഞ്ഞു.സ്ത്രീകളുടെ കാല്‍ കഴുകാനുള്ള മാര്‍പാപ്പയുടെ നിര്‍ദ്ദേശം വേണ്ട ഒരുക്കത്തോടെ അടുത്തവര്‍ഷം മുതല്‍ നടപ്പാക്കുമെന്ന് വരാപ്പുഴ ലത്തീന്‍ അതിരൂപത വ്യക്തമാക്കി.മലങ്കര സഭകയാകട്ടെ, ഇത് തിടുക്കത്തില്‍ നടപ്പാക്കേണ്ടതില്ലെന്ന തീരുമാനമാണ് നിലവിൽ എടുത്തിരിക്കുന്നത്.സ്ത്രീകളുടെ കാല്‍ കഴുകല്‍ പൌരസ്ത്യസഭകളില്‍ നിര്‍ബന്ധമല്ലെന്ന് വത്തിക്കാന്‍ വിശദീകരിച്ച പശ്ചാത്തലത്തിലാണ് ഭാരതത്തിലെ സഭകൾ മറിച്ചൊരു തീരുമാനം എടുത്തിട്ടുള്ളത്.

എന്നാൽ ആശയക്കുഴപ്പങ്ങളിൽ കേരളത്തിലെ സഭകൾ ഉഴലുമ്പോഴും ലത്തീന്‍ സഭയുടെ കീഴിലുള്ള പള്ളികളില്‍ സ്ത്രീകളുടെ കാല്‍ കഴുകാന്‍ തീരുമാനിച്ചിരുന്നു.വത്തിക്കാന്റെ കല്‍പ്പന റോമന്‍ ആരാധനാ ക്രമം പിന്തുടരുന്ന സഭകള്‍ മാത്രമേ നടപ്പാക്കേണ്ടതുള്ളൂ എന്ന് പൗരസ്ത്യ സഭകള്‍ക്ക് വേണ്ടിയുള്ള തിരു സംഘതലവന്‍ ആര്‍ച്ച് ബിഷപ്പ് സിറില്‍ വാസ് വ്യക്തമാക്കിയതോടെയാണ് സ്ത്രീകളുടെ കാല്‍ കഴുകുന്നത് സംബന്ധിച്ച് ആശയക്കുഴപ്പം ഉടലെടുത്തത്.

 http://truelinenews.com/kerala/76-kerala-featured/10836-kerala-priest-s-remarks-against-marpapas-decition