റോമിൽ വിദ്യാർഥിനിയെ മുൻകാമുകൻ തീ കൊളുത്തി കൊന്നു

Wednesday 01 June 2016 01:12 AM IST

by സ്വന്തം ലേഖകൻ

റോം ∙ പ്രണയ ബന്ധത്തിൽനിന്നു പിന്മാറിയ യുവതിയെ മുൻ കാമുകൻ തീ കൊളുത്തി കൊന്നു. റോം സർവകലാശാല വിദ്യാർഥിനിയായ സാറ ഡി പൈട്രാന്റോണിയോ (22) ആണ് ദാരുണമായി കൊല്ലപ്പെട്ടത്. മുൻ കാമുകൻ വിൻസെൻസോ പാദുവാനോയെ (27) പൊലീസ് അറസ്റ്റ് ചെയ്തു.

പുതിയ കാമുകന്റെ വീട്ടിൽനിന്നു പുലർച്ചെ കാറിൽ പുറത്തിറങ്ങിയ യുവതിയെ മറ്റൊരു കാറിൽ പിന്തുടർന്നായിരുന്നു കൊലപാതകം. സഹായത്തിനായുള്ള യുവതിയുടെ നിലവിളി അതുവഴി കടന്നുപോയ കാറുകളിലുണ്ടായിരുന്നവർ അവഗണിച്ചെന്നും പൊലീസ് പറഞ്ഞു.

http://www.manoramaonline.com/news/world/rome-student-burned-alive.html