ശാസ്ത്രത്തിന് കൈകൊടുത്ത് മാർപാപ്പ

Tuesday 29 November 2016 12:40 AM IST

by സ്വന്തം ലേഖകൻ

വത്തിക്കാ‍നിൽ പോണ്ടിഫിക്കൽ അക്കാദമി ഓഫ് സയൻസസിന്റെ സമ്മേളനത്തിൽ പങ്കെടുക്കാനെത്തിയ സ്റ്റീഫൻ ഹോക്കിങ്ങിനൊപ്പം ഫ്രാൻസിസ് മാർപാപ്പ.

വത്തിക്കാ‍ൻസിറ്റി ∙ ശാസ്ത്രത്തിനു കൈകൊടുത്ത് ഫ്രാൻസിസ് മാർപാപ്പ. ലോകത്തിന്റെ പ്രശ്നങ്ങൾക്കു ക്രിയാത്മകമായ പരിഹാരം കണ്ടെത്താനുള്ള ശാസ്ത്രകാരന്മാരുടെ ശ്രമങ്ങൾ മുൻപെന്നത്തെക്കാളും അത്യാവശ്യമുള്ള കാലമാണിതെന്നു പോണ്ടിഫിക്കൽ അക്കാദമി ഓഫ് സയൻസസിന്റെ സമ്മേളനത്തിൽ മാർപാപ്പ പറഞ്ഞു. സ്റ്റീഫൻ ഹോക്കിങ് അടക്കമുള്ള ശാസ്ത്രജ്ഞർ സമ്മേളനത്തിൽ പങ്കെടുത്തു.

‘‘രാഷ്ട്രീയ, സാമ്പത്തിക, ആശയ താൽപര്യങ്ങളില്ലാതെ പ്രവർത്തിക്കുന്ന ശാസ്ത്രജ്ഞർ കാലാവസ്ഥാ വ്യതിയാനം മൂലമുള്ള പ്രശ്നങ്ങൾക്കടക്കം പരിഹാരം കണ്ടെത്താനുള്ള ശ്രമങ്ങളിലാണ്. മനുഷ്യൻ നേരിടുന്ന പ്രതിസന്ധികൾക്കു പൊതുവായതും പ്രത്യേകമായതുമായ പരിഹാരങ്ങൾ കണ്ടെത്താൻ നിങ്ങൾ നേതൃത്വം നൽകണം’’ – മാർപാപ്പ പറഞ്ഞു.

http://www.manoramaonline.com/news/world/pope-francis-meets-stephen-hawking.html