കുഞ്ഞിന്‌ കയ്യും കാലും നാലു വീതം; ഗണേശ അവതാരമെന്ന്‌ വിശ്വാസികള്‍
മാസങ്ങള്‍ക്ക്‌
മുമ്പാണ്‌ മുഖവൈകല്യവുമായി പിറന്ന കുട്ടിയെ ഗണപതിയുടെ അവതാരമെന്ന്‌
പറഞ്ഞ്‌ വിശ്വാസികള്‍ ശല്യം ചെയ്‌തതിന്റെ വാര്‍ത്തകള്‍ പുറത്ത്‌ വന്നത്‌.
തൊട്ടു പിന്നാലെ തന്നെ സമാനരീതിയിലുള്ള വാര്‍ത്തകള്‍ ഉത്തരേന്ത്യയില്‍
നിന്നും വീണ്ടും. ഇത്തവണ നാലു കൈകളും നാലു കാലുകളുമായി പിറന്ന കുട്ടിയെ
സന്ദര്‍ശിക്കാനും അനുഗ്രഹം വാങ്ങാനുമുള്ളവരുടെ തിരക്കാണ്‌.ജാര്‍ഖണ്ഡിലെ ഉള്‍നാടന്‍ ഗ്രാമങ്ങളില്‍ ഒന്നായ ദുമ്രി ഇസ്രിയില്‍ കഴിഞ്ഞ ദിവസം പിറന്ന കുഞ്ഞാണ്‌ താരം. വൈകല്യവുമായി പിറന്ന കുട്ടിയെ ഗണപതിയുടെ പുനരവതാരമായി കണക്കാക്കി അനുഗ്രഹം വാങ്ങാനും സന്ദര്‍ശിക്കാനുമായി ആയിരക്കണക്കിന്‌ വിശ്വാസികളാണ്‌ എത്തുന്നത്‌. ഒരു പ്രാദേശിക മാധ്യമം 72 മൈല്‍ അകലെ നിന്നെത്തി കുട്ടിയുടെ ദൃശ്യങ്ങള്‍ കഴിഞ്ഞ ദിവസം പകര്‍ത്തിയിരുന്നു.
പൂര്‍ണ്ണ വികാസം പ്രാപിക്കാത്ത ഒട്ടിച്ചേര്‍ന്ന നിലയിലുള്ള ഇരട്ടക്കുട്ടികളാകാം ഈ സ്‌ഥിതിക്ക്‌ കാരണമെന്നാണ്‌ വിദഗ്‌ദ്ധര്‍ പറയുന്നത്‌. മാസങ്ങള്‍ക്ക്‌ മുമ്പാണ്‌ മുഖവൈകല്യവുമായി പിറന്ന കുഞ്ഞിനെ ഗണപതിയുടെ അവതാരമായി കരുതി അനുഗ്രഹം വാങ്ങാനെത്തുന്നതിന്റെ വാര്‍ത്തകള്‍ പുറത്തുവന്നത്‌. ഏഴിഞ്ച്‌ വാല്‍ മുളച്ചതിനെ തുടര്‍ന്ന്‌ 13 കാരനായ അര്‍ഷിദ്‌ അലി ഖാന്‍ എന്ന കുട്ടിയെ ഹനുമാനാണെന്ന്‌ വിശ്വസിക്കുന്നതിന്റെ വാര്‍ത്തകളും കഴിഞ്ഞ വര്‍ഷം പുറത്തുവന്നിരുന്നു.
http://www.mangalam.com/odd-news/308543
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin