പെസഹാദിനത്തില്‍ കുരിശുമുടിയിലേക്ക്‌ ഭക്‌തജനപ്രവാഹം; ഇന്ന്‌ പീഡാനുഭവ വെളളി
മലയാറ്റുര്‍: പെസഹാദിനത്തില്‍ കുരിശുമുടിയിലേക്ക്‌ ഭക്‌തജനപ്രവാഹം. പൊന്നിന്‍ കുരിശുമുത്തപ്പോ പൊന്‍മല കയറ്റമെന്ന ശരണവിളികളുമായി മലയാറ്റൂര്‍ മലകയറുന്നത്‌ പതിനായിരങ്ങളാണ്‌. ഭാരമേറിയ മരകുരിശുകളുമായെത്തുന്ന തീര്‍ഥാടകരുടെ ശരണമന്ത്രത്താല്‍ കുരിശുമുടി ഭക്‌തിസാന്ദ്രമായി. വിവിധ ജില്ലകളില്‍ നിന്നും നോമ്പുനോറ്റാണ്‌ ഭക്‌തജനങ്ങള്‍ കുരിശുമുടിയിലെത്തുന്നത്‌ ക്രിസ്‌തുവിന്റെ കാല്‍കഴുകല്‍ ശുശ്രൂഷയുടെ ഓര്‍മ്മ പുതുക്കുന്ന പെസഹാദിനത്തില്‍ മലയാറ്റൂര്‍ കുരിശുമുടിയിലും സെന്റ്‌ തോമസ്‌ പളളിയിലും(താഴത്തെ പളളി) പെസഹാ അനുസ്‌മരണ തിരുക്കര്‍മ്മങ്ങള്‍ നടന്നു. കുരിശുമുടിയില്‍ രാവിലെ നടന്ന കാലുകഴുകല്‍ ശുശ്രൂഷ, വി.കുര്‍ബാന, ആരാധന എന്നിവയ്‌ക്ക് കുരിശുമുടി റെക്‌ടര്‍ ഫാ. സേവ്യര്‍ തേലക്കാട്ട്‌ മുഖ്യകാര്‍മ്മികത്വം വഹിച്ചു. സെന്റ്‌ തോമസ്‌ പളളിയില്‍ രാവിലെ നടന്ന കാലുകഴുകല്‍ ശുശ്രൂഷ, വി.കുര്‍ബാന, ആരാധന, അപ്പംമുറിക്കല്‍ ശുശ്രൂഷ എന്നിവയ്‌ക്ക് വികാരി റവ.ഡോ. ജോണ്‍ തേയ്‌ക്കാനത്ത്‌ കാര്‍മ്മികത്വം വഹിച്ചു. സഹവികാരി ഫാ. മെല്‍വിന്‍ ചിറ്റിലപ്പിളളി, ഫാ. ബാസ്‌റ്റിന്‍ കിഴക്കേറ്റം, ഫാ. ചാള്‍സ്‌ കോറോത്ത്‌ എന്നിവര്‍ സഹകാര്‍മ്മികരായി. വലിയ ശനിയാഴ്‌ച സെന്റ്‌ തോമസ്‌ പളളിയില്‍ രാവിലെ ആറിന്‌ വലിയ ശനി തിരുക്കര്‍മ്മങ്ങള്‍, തുടര്‍ന്ന്‌ വി.കുര്‍ബാന, രാത്രി 11.45 ന്‌ ഉയിര്‍പ്പു തിരുക്കര്‍മ്മങ്ങള്‍, പ്രദക്ഷിണം, വി.കുര്‍ബാന. കുരിശുമുടിയില്‍ രാവിലെ 7.30 ന്‌ വലിയ ശനി തിരുക്കര്‍മ്മങ്ങള്‍, തുടര്‍ന്ന്‌ വി.കുര്‍ബാന, രാത്രി 11.45 ന്‌ ഉയിര്‍പ്പു തിരുക്കര്‍മ്മങ്ങള്‍, പ്രദക്ഷിണം, ആഘോഷമായ വി.കുര്‍ബാന. 27 ന്‌ സെന്റ്‌ തോമസ്‌ പളളിയില്‍ രാവിലെ 5.30, ഏഴ്‌, വൈകുന്നേരം 5.30 നും വി.കുര്‍ബാന. കുരിശുമുടിയില്‍ രാവിലെ 5.30, 7.30, വൈകുന്നേരം ആറിനും വി.കുര്‍ബാന എന്നിവയുണ്ടാകും.
http://www.mangalam.com/religion/419067
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin