വൈദികന്റെ പീഡനം: വിശദീകരണം തേടി

Friday 03 March 2017 01:29 AM IST

by സ്വന്തം ലേഖകൻ

തിരുവനന്തപുരം ∙ പ്രായപൂർത്തിയാകാത്ത പെൺകുട്ടിയെ വൈദികൻ പീഡിപ്പിച്ച സംഭവത്തിൽ പ്രസവ വിവരം മറച്ചുവച്ചതിനു കൂത്തുപറമ്പു ക്രിസ്തുരാജ ആശുപത്രിയെയും ചൈൽഡ്് വെൽഫെയർ കമ്മിറ്റിയെയും കുറിച്ചു പൊലീസ് അന്വേഷണം നടത്തി വിശദീകരണം സമർപ്പിക്കാൻ സംസ്ഥാന മനുഷ്യാവകാശ കമ്മിഷൻ ഉത്തരവിട്ടു.

സംസ്ഥാന ഡിജിപിയും കണ്ണൂർ ജില്ലാ പൊലീസ്് സൂപ്രണ്ടും ഒരു മാസത്തിനകം അന്വേഷണ റിപ്പോർട്ട്് സമർപ്പിക്കണമെന്നു കമ്മിഷൻ ആക്റ്റിങ് അധ്യക്ഷൻ പി.മോഹനദാസ്് നിർദേശം നൽകി. ഇത്തരം സംഭവങ്ങൾ 24 മണിക്കൂറിനകം ചൈൽഡ്് ലൈനിനെയും പൊലീസിനെയും അറിയിക്കണമെന്നാണു ചട്ടം.

വൈദികന്റെ ലാപ്്ടോപ്പും പെൻഡ്രൈവും കൂടുതൽ പരിശോധനയ്ക്കു വിധേയമാക്കണമെന്നു പൊതുപ്രവർത്തകൻ പി.കെ.രാജു സമർപ്പിച്ച പരാതിയിൽ ആവശ്യപ്പെട്ടു. നിർധന പെൺകുട്ടികളെ വൈദികൻ വിദേശത്ത്് അയച്ചതു സംബന്ധിച്ച് അന്വേഷണം വേണമെന്നും പരാതിയിൽ അഭ്യർഥിച്ചു.

http://www.manoramaonline.com/news/kerala/09-tvm-cruelty-explanation.html