മത സ്വാതന്ത്ര്യം: മോഡി വിശദീകരിക്കണമെന്ന്‌ കെ.സി. വേണുഗോപാല്‍
ന്യൂഡല്‍ഹി: മത വിശ്വാസം സംബന്ധിച്ച പ്രധാനമന്ത്രി നരേന്ദ്ര മോഡിയുടെ പ്രസ്‌താവന സംബന്ധിച്ചു വിശദീകരണം വേണമെന്നു കെ.സി. വേണുഗോപാല്‍ എം.പി. മോഡി പ്രധാനമന്ത്രിയായി എട്ടുമാസം പിന്നിട്ടശേഷം, ഒട്ടേറെ സമ്മര്‍ദങ്ങള്‍ പരിഗണിച്ച്‌ ഏറെ വൈകിയാണ്‌ ഇത്തരമൊരു പ്രസ്‌താവന നടത്തിയത്‌.
പാര്‍ലമെന്റില്‍പോലും ഇന്ത്യ ഹിന്ദു രാഷ്‌ട്രമാണെന്നു വരുത്തി തീര്‍ക്കാനുള്ള നീക്കത്തിലാണു ബി.ജെ.പി. ഈ സാഹചര്യത്തില്‍ മോഡിയുടെ പ്രസ്‌താവനയെ ജനങ്ങള്‍ അവിശ്വസിച്ചാല്‍ അത്ഭുതപ്പെടേണ്ടതില്ല.
ഘര്‍വാപസി എന്നപേരില്‍ പലവിധ തന്ത്രങ്ങല്‍ ഉപയോഗിച്ചു നടത്തുന്ന നിര്‍ബന്ധിത മതപരിവര്‍ത്തനങ്ങളെ പ്രധാനമന്ത്രി കാണുന്നില്ല.
രാഷ്‌ട്രപിതാവിനെ കൊലചെയ്‌ത നാഥുറാം ഗോഡ്‌സെയുടെ പ്രതിഷ്‌ഠയും ക്ഷേത്രവും സ്‌ഥാപിക്കാനുള്ള ശ്രമങ്ങള്‍ മുളയിലെനുള്ളുന്നതില്‍ കേന്ദ്രസര്‍ക്കാരിന്റെ ഭാഗത്തുനിന്നുണ്ടായ ബോധപൂര്‍വമായ വീഴ്‌ചയുണ്ടായെന്ന്‌ അദ്ദേഹം പറഞ്ഞു.
http://www.mangalam.com/print-edition/india/286130
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin