കാലുവേദനയക്ക് ചെരുപ്പു വാങ്ങാൻ നേരിട്ടെത്തിയ ഫ്രാൻസിസ് മാർപ്പാപ്പയെകണ്ട് എല്ലാവരും ഞെട്ടി; ചിത്രങ്ങൾ കാണാം

Thursday 22 December 2016 10:42 AM IST

by സ്വന്തം ലേഖകൻ

• 
  Facebook
• 
  Twitter
• 
  Google+

Print

Mail

Text Size

‘‘കാല് വേദനയ്ക്ക് ചെരുപ്പു വേണം’’ ഓർത്തോപീഡിക് ചെരിപ്പ് ചോദിച്ച് വത്തിക്കാൻ നഗരത്തിലെ ഫാർമസിയിലെത്തിയ ആളെ കണ്ട് എല്ലാവരും ഞെട്ടി. പിന്നെ സംഭവിക്കുന്നതെന്തെന്ന് വിശ്വസിക്കാനാകാതെ പരസ്പരം നോക്കി. അൽപ സമയത്തിന് ശേഷമാണ് യാഥാർഥ്യത്തിലേക്കെത്താൻ അവർക്ക് കഴിഞ്ഞത്. അതെ, ചെരുപ്പ് ചോദിച്ചെത്തിയത് സാക്ഷാൽ മാർപ്പാപ്പ തന്നെ, പോപ് ഫ്രാൻസിസ്. ചെരുപ്പും വാങ്ങി കടക്കാരനെ അനുഗ്രഹിച്ചിട്ടാണ് അദ്ദേഹം മടങ്ങിയത്.

ഫാർമസി ഷോപ്പിനുചുറ്റും നിരവധി പേർ തിങ്ങിക്കൂട്ടി. മാർപ്പാപ്പ ഫാർമസിയിലെത്തിയത് കണ്ട് ആളുകൾ വിളിച്ച് കൂവി. മാർപ്പാപ്പ ചെരുപ്പു വാങ്ങുന്ന ചിത്രങ്ങളും സെൽഫികളും എടുക്കാൻ തിടുക്കം കൂട്ടി. എല്ലാവരോടും കൈപൊക്കി ആശംസകളറിയിച്ച് പുഞ്ചിരിയോടെ മാർപ്പാപ്പ മടങ്ങി. ഫാർമസിയിലെത്തിയ മാർപ്പാപ്പയെ കാണാൻ തടിച്ചു കൂടിയവരെ ഒതുക്കാൻ പിന്നീട് പൊലീസ് പാടുപെടുകയായിരുന്നു.

https://www.youtube.com/watch?v=Dq6JF5SJw1Q#action=share

ചിത്രങ്ങൾ സോഷ്യൽമീഡിയയിലൂടെ വൈറലായപ്പോൾ മാർപ്പാപ്പയുടെ ലാളിത്യത്തെക്കുറിച്ചും രസകരമായ ഇത്തരം സർപ്രൈസുകളെക്കുറിച്ചുമാണ് ഇപ്പോൾ സോഷ്യൽ മീഡിയയിൽ ചർച്ച. കഴിഞ്ഞ വർഷം സെപ്തംബറിൽ കണ്ണട വാങ്ങാൻ കടയിൽ നേരിട്ടെത്തി മാർപാപ്പ എല്ലാവരെയും ഞെട്ടിച്ചിരുന്നു. അന്നും അത് സോഷ്യൽ മീഡിയയൽ വലിയ ചർച്ചയായിരുന്നു. യാത്രകളിൽ സ്വന്തം ബാഗ് കൈയിൽ ചുമന്നു കൊണ്ടു പോകുകയും ഭക്ഷണം വിളമ്പുകയുമൊക്കെ ചെയ്യുന്ന മാർപ്പാപ്പ എന്നും ജനങ്ങളെ തന്റെ ലാളിത്യം കൊണ്ട് അത്ഭുതപ്പെടുത്താറുണ്ട്.

http://www.vanitha.in/just-in/latest-news/francis-pope-visits-pharmacy-to-buy-shoes.html