ബാര്‍ പൂട്ടല്‍ നടപടികള്‍ എക്സൈസ് വകുപ്പ് റദ്ദാക്കി

Published on Thu, 09/11/2014 - 18:33 ( 1 hour 48 min ago)

തിരുവനന്തപുരം: ബാറുടമകള്‍ക്ക് അനുകൂല വിധി ലഭിച്ചതോടെ ബാറുകള്‍ പൂട്ടാനുള്ള നടപടിക്രമങ്ങള്‍ എക്സൈസ് വകുപ്പ് പിന്‍വലിച്ചു. ബാറുകള്‍ അടച്ചുപൂട്ടാനും അവശേഷിക്കുന്ന മദ്യശേഖരം തിരിച്ചെടുക്കാനുമുള്ള നടപടികള്‍ അന്തിമ ഘട്ടത്തിലത്തെിയപ്പോഴാണ് ബാറുകള്‍ക്ക് 30 വരെ പ്രവര്‍ത്തനാനുമതി നല്‍കി സുപ്രീംകോടതി വിധി വന്നത്. വ്യാഴാഴ്ച രാത്രി 11ന് ശേഷം ബാറുകളില്‍ അവശേഷിക്കുന്ന മദ്യശേഖരം മുദ്രവെച്ച് കണ്ടുകെട്ടാനായിരുന്നു നിര്‍ദേശം. വിദേശ നിര്‍മിത വിദേശമദ്യം ഉള്‍പ്പെടെ ഏറ്റെടുക്കാന്‍ പാകത്തില്‍ അബ്കാരി നിയമത്തിലെ ഭേദഗതി നിയമവകുപ്പ് അംഗീകരിച്ചിരുന്നു. പുതിയ മദ്യനയത്തിന്‍െറ ഭാഗമായി ഒക്ടോബര്‍ രണ്ടിന് 34 ബിവറേജസ് ഒൗട്ട്ലെറ്റുകള്‍ പൂട്ടാനും തീരുമാനിച്ചിരുന്നു. പ്രത്യേക മാനദണ്ഡത്തിന്‍െറ അടിസ്ഥാനത്തില്‍ വര്‍ഷന്തോറും 10 ശതമാനം ഒൗട്ട്ലെറ്റുകള്‍ അടക്കാനായിരുന്നു തീരുമാനം. ഗാന്ധിജയന്തി ദിനത്തില്‍ പൂട്ടേണ്ട ഷോപ്പുകളുടെ പട്ടിക ബിവറേജസ് തയാറാക്കിയിട്ടുണ്ട്. ജനങ്ങളുടെ എതിര്‍പ്പുകാരണം പൂട്ടിയ ഏഴുഷോപ്പും പ്രതിദിനവരുമാനം രണ്ടുലക്ഷത്തില്‍ താഴെയുള്ള ഷോപ്പുകളും ഈ പട്ടികയില്‍ ഉള്‍പ്പെട്ടിട്ടുണ്ട്. വാടക കാലയളവ് തീരുന്ന ഷോപ്പുകള്‍ക്ക് പുതിയ കെട്ടിടങ്ങള്‍ കണ്ടത്തെണം. ഇതിന് അസൗകര്യമുള്ള ഷോപ്പുകളെയും പട്ടികയില്‍പെടുത്തിയിട്ടുണ്ട്. 4.5 ലക്ഷം രൂപയെങ്കിലും പ്രതിദിനവരുമാനമുണ്ടെങ്കിലേ ഷോപ് ലാഭകരമായി കണക്കാക്കൂ. ഇതില്ലാത്തവയും പൂട്ടല്‍ പട്ടികയില്‍ വരും. ആകെ 338 ഷോപ്പുകളാണ് ബിവറേജസിനുള്ളത്. പൂട്ടാനുള്ളവയുടെ പട്ടിക സര്‍ക്കാറിന് സമര്‍പ്പിച്ചിട്ടുണ്ടെങ്കിലും കേസ് കോടതി പരിഗണനയിലുള്ളതിനാല്‍ അന്തിമ തീരുമാനം എടുത്തിട്ടില്ല.
അതിനിടെ, വ്യാഴാഴ്ച പൂട്ടേണ്ടിവരുമെന്ന ധാരണയില്‍ ഓണക്കച്ചവടം കഴിഞ്ഞിട്ടും ബാറുകള്‍ പുതിയ സ്റ്റോക് എടുത്തിരുന്നില്ല. എന്നാല്‍, അനുകൂല വിധി ലഭിച്ചതോടെ ബാറുകള്‍ മദ്യസ്റ്റോക് എടുക്കാന്‍ നടപടി ആരംഭിച്ചു. അപേക്ഷ ലഭിക്കുന്ന മുറക്ക് ഇവര്‍ക്ക് മദ്യം എടുക്കാന്‍ എക്സൈസ് അനുമതി നല്‍കും.
 https://www.blogger.com/blogger.g?blogID=3405608279508582992#editor/target=post;postID=9170447773221723260