കാലാവസ്‌ഥാ വ്യതിയാനം: മാര്‍പാപ്പയ്‌ക്കെതിരേ കര്‍ദിനാള്‍
വത്തിക്കാന്‍:
കാലാവസ്‌ഥാ വ്യതിയാനത്തെക്കുറിച്ചുള്ള മാര്‍പാപ്പയുടെ പരാമര്‍ശത്തിനെതിരേ
മുതിര്‍ന്ന കര്‍ദിനാള്‍ രംഗത്ത്‌. ഇതാദ്യമായാണ്‌ ഒരു കര്‍ദിനാള്‍
ഫ്രാന്‍സിസ്‌ മാര്‍പാപ്പയ്‌ക്കെതിരേ പരസ്യനിലപാട്‌ സ്വീകരിക്കുന്നത്‌.വത്തിക്കാന്റെ സാമ്പത്തിക നിര്‍വഹണത്തിനായി കഴിഞ്ഞവര്‍ഷം ഫ്രാന്‍സിസ്‌ മാര്‍പാപ്പ നിയോഗിച്ച ഓസ്‌ട്രേലിയക്കാരനായ കര്‍ദിനാള്‍ ജോര്‍ജ്‌ പെല്‍ ആണ്‌ വിയോജിപ്പു പ്രകടിപ്പിച്ചത്‌. ശാസ്‌ത്ര സംബന്ധിയായ വിഷയങ്ങളില്‍ ഇടപെടാന്‍ സഭയെ ആരും ചുമതലപ്പെടുത്തിയിട്ടില്ലെന്നു ചൂണ്ടിക്കാട്ടിയാണു മാര്‍പാപ്പയുടെ ചാക്രിക ലേഖനത്തിലെ പരാമര്‍ശത്തിനെതിരേ കര്‍ദിനാള്‍ രംഗത്തെത്തിയത്‌. ശാസ്‌ത്രകാര്യങ്ങളില്‍ ആധികാരിക നിര്‍ദേശങ്ങള്‍ നല്‍കത്തക്ക സവിശേഷ നൈപുണ്യം സഭയ്‌ക്കുണ്ടെന്നു കരുതുന്നില്ല. ഇത്തരം വിഷയങ്ങളില്‍ സഭ പ്രതികരിക്കണമെന്നു ദൈവത്തിന്റെ കല്‍പനയുമില്ല. ശാസ്‌ത്രത്തിന്റെ സ്വയംഭരണാവകാശത്തില്‍ വിശ്വസിക്കുന്നവരാണു തങ്ങളെന്നും കര്‍ദിനാള്‍ പെല്‍ വ്യക്‌തമാക്കി.
http://www.mangalam.com/print-edition/international/340441
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin