ഊന്നല്‍വേണം, പരിസ്ഥിതിസംരക്ഷണത്തിന് -മാര്‍പാപ്പ
Posted on: 09 Jul 2015
ഭൂമിസംരക്ഷണത്തിനാണ് നാം ഊന്നല്‍നല്‍കേണ്ടത്. ഭാവിതലമുറയെയും ഭൂമിയെയും മറന്ന് ഏറെക്കാലം ആര്‍ക്കും നിലകൊള്ളാനാവില്ല. ആഗോളതാപനം മനുഷ്യസൃഷ്ടിയാണെന്നും ചുറ്റുംനടക്കുന്നത് കണ്ടില്ലെന്നു നടിക്കരുതെന്നും അദ്ദേഹം കൂട്ടിച്ചേര്‍ത്തു.
വിതയ്ക്കാനും കൊയ്യാനും മാത്രമല്ല, വിതച്ചത് വളരാനും വികസിക്കാനും അനുവദിക്കണം. അതിനെ ശ്രദ്ധിക്കണം, സംരക്ഷിക്കണം -പാപ്പ വിശദീകരിച്ചു.
ജൂലായ് അഞ്ചിനാണ് മാര്‍പാപ്പ തെക്കേ അമേരിക്കന്‍ സന്ദര്‍ശനത്തിനായി ഇക്വഡോറില്‍ എത്തിയത്. ബൊളീവിയ, പരാഗ്വെ എന്നിവിടങ്ങളും അദ്ദേഹം സന്ദര്‍ശിക്കുന്നുണ്ട്.
ഫ്രാന്‍സിസ് പാപ്പയുടെ തെക്കേ അമേരിക്കന്‍ പര്യടനത്തിന്റെ ആദ്യപാദമാണ് ഇക്വഡോറിലേത്. ഏഴു രാജ്യങ്ങള്‍ ഉള്‍പ്പെടുന്ന പര്യടനപരിപാടിയാണ് നിശ്ചയിച്ചിരിക്കുന്നത്. 2013-ല്‍ മാര്‍പാപ്പയായശേഷം രണ്ടാംവട്ടമാണ് അദ്ദേഹം ഈ മേഖല സന്ദര്‍ശിക്കുന്നത്.
ദാരിദ്ര്യം, അസമത്വം എന്നീ വിഷയങ്ങളിലൂന്നിയായിരിക്കും പര്യടനത്തിലുടനീളം മാര്‍പാപ്പയുടെ പ്രഭാഷണങ്ങളെന്ന് വത്തിക്കാന്‍ നേരത്തേ അറിയിച്ചിരുന്നു.
അതേസമയം തന്റെ ജന്മരാജ്യമായ അര്‍ജന്റീനയില്‍ പാപ്പ ഇപ്പോള്‍ പോകുന്നില്ല. മേഖലയിലെ വലിയ രാജ്യങ്ങളെ ഒന്നിനെയും ഈ പര്യടനത്തില്‍ ഉള്‍പ്പെടുത്തിയിട്ടുമില്ല. പാര്‍ശ്വവത്കരിക്കപ്പെട്ടവരുടെ താത്പര്യങ്ങള്‍ക്ക് കൂടുതല്‍ പരിഗണന നല്‍കുന്നതാണു കാരണമെന്നാണ് വത്തിക്കാന്‍ ഇതേക്കുറിച്ചറിയിച്ചത്.
http://www.mathrubhumi.com/online/malayalam/news/story/3695233/2015-07-09/world
No comments:
Post a Comment
Please let us know what you think.. Please be considerate about others, their privacy and dignity when you comment..
Thanks
Admin