തടവുകാരുമായി മാര്‍പാപ്പ കൂടിക്കാഴ്ച നടത്തി

 

വത്തിക്കാന്‍ സിറ്റി: ഇറ്റാലിയന്‍ ജയിലുകളില്‍ കഴിയുന്ന 19 തടവുകാരുമായി ഫ്രാന്‍സിസ് മാര്‍പാപ്പ ഇന്നലെ കൂടിക്കാഴ്ച നടത്തി. വത്തിക്കാനില്‍ മാര്‍പാപ്പ താമസിക്കുന്ന സെയിന്റ് മാര്‍ത്താ ഡോര്‍മിറ്ററിയില്‍ നടന്ന കൂടിക്കാഴ്ച 45 മിനിട്ടു ദീര്‍ഘിച്ചു. എല്ലാവരുടെയും തലയില്‍ കൈവച്ചു മാര്‍പാപ്പ അനുഗ്രഹിച്ചു. പിസാ, പിയാനോസ ജയിലുകളിലെ തടവുകാരായ ഇവര്‍ തീര്‍ഥാടനത്തിനായി ജയിലധികൃതര്‍ക്കൊപ്പം വത്തിക്കാനിലെത്തിയതാണ്.

ഇതാദ്യമായല്ല മാര്‍പാപ്പ തടവുകാരുമായി സമയം ചെലവഴിക്കുന്നത്. പെസഹാവ്യാഴത്തിലെ തിരുക്കര്‍മ്മങ്ങളില്‍ തടവുകാരുടെ പാദങ്ങളാണ് അദ്ദേഹം കഴുകിയത്. 

 deepika.com